Yn aelod o Glybiau Bechgyn a Merched Cymru, sefydlwyd Clwb Bechgyn a Merched Penygraig a’r Cylch yn 1974 gan gymuned a oedd yn pryderu am ddyfodol ei phlant a’i phobl ifainc a chafodd ei agor gan Frankie Vaughan. Prynodd y gymuned yr hen Gapel Wesleaidd (gweler y llun ar y dde) yn Stryd Brook, Trewiliam, ac y mae’r Clwb wedi aros ar y safle hwnnw ers hynny. Y mae’r Clwb Bechgyn a Merched wedi datblygu’n ganolbwynt ar gyfer plant a phobl ifainc Penygraig a Threwiliam ac i drigolion yr ardal o’i gwmpas.

Mabwysiadodd y Clwb ei gyfansoddiad cyntaf yn 1983 dan yr enw Clwb Bechgyn Penygraig a daeth yn elusen gofrestredig ychydig o flynyddoedd ar ôl hynny. Wedyn, derbyniodd y Clwb ganiatâd y Comisiwn elusennol i fabwysiadu’r enw Clwb Bechgyn a Merched Penygraig a’r Cylch ac i newid cymal 2 yn 2003 er mwyn sicrhau cydraddoldeb i bawb.

Y mae gan y Clwb weledigaeth i fod y cyfleuster chwaraeon ac iechyd i bobl ifainc mwyaf effeithiol yn Rhondda Cynon Taf.

Croeso i Gornel yr Aelodau. Gwasgwch yma i ymweld â’r fforwm a thrafod pethau gydag aelodau eraill y clwb.

Hefyd, os ydych am dderbyn ein cylchlythyr e-bost, rhowch eich cyfeiriad e-bost yn y bwlch isod a gwasgwch ‘Gwnewch Nawr’.