Er gwaethaf yr holl waith da sydd yn digwydd yn y clwb roedd cyflwr yr adeilad yn peryglu ei ddyfodol. Mae ymrwymiad o fewn y clwb yn gryf iawn felly, yn hytrach na derbyn yr anochel, datblygodd yr ymddiriedolwyr a’r gwirfoddolwyr y cynllun 'FOCUS'.
Mae 'FOCUS' yn strategaeth sydd wedi’i hanelu at ddiogelu cyllid er mwyn ailddatblygu’r adeilad at ddefnydd y gymuned ehangach a diogelu ei gynaladwyedd hir dymor.
Cafodd y cyllid £730,000 a dderbyniwyd gan Raglen Ewropeaidd Amcan Un ei gyfateb gan Lywodraeth Cynulliad Cymru a Chyngor Bwrdeistref Sirol Rhondda Cynon Taf, ac felly, roedd yn bosib prynu’r safle tir llwyd y drws nesaf a’i droi’n faes parcio oddi ar y stryd sydd yn galluogi mynediad ar gyfer pobl anabl ac ardal chwarae wedi’i amgylchynu gan ffens. Adnewyddwyd y clwb yn helaeth ac ategwyd estyniad a thrydydd llawr.
Mae’r trydydd llawr newydd yn cynnwys tair swyddfa ac ystafell gyfarfod/gynhadledd a fydd ar gael i’w llogi, campfa a swît cyfrifiaduron.
Defnyddiwyd ystod o wybodaeth wrth gynllunio 'FOCUS'. Roedd hyn yn cynnwys data gan Bartneriaeth Adfywio Rhanbarth Penygraig, Cymunedau’n Gyntaf, Mynegrif Amddifadedd Lluosog Cymru a chynlluniau datblygu lleol a rhanbarthol eraill fel Cynllun Adnewyddu Strategol ac astudiaeth dichonoldeb.
